Solucións do boletín de repaso dos temas 13 e 14 (enerxía, luz e son)

Como o prometido é débeda, aquí deixo as solucións aos exercicios do boletín para que vos axuden de cara a preparación do examen de mañán.

DIAPOSITIVAS PARA TRABALLAR NA CLASE/CASA

Como algún tivo problemas indícovoos que os exercicios que tendes que facer son os das seguintes diapositivas:
- Diapositiva 12: Tendes que ver o vídeo e ler a páxina 206 do libro e contestar ás preguntas que alí se indican.
-Diapositiva 13: Definir os fenómenos de "atenuación" e "amortecemento".
- Diapositiva 15: ver o vídeo e a animación e indicar as partes do oído e resumir brevemente como funciona este sentido.
- Diapositiva 29: Identificar as partes do ollo, describir brevemente o seu funcionamento e resumir o funcionamento do sentido da vista.

Tema 14. presentación from mariavarey

O mundo de Beakman: o son e o noso "teléfono"

Se queredes repasar algunhas das nocións básicas sobre o son podedes ver os primeiros 8 minutos deste vídeo onde Beakman nos amosa de xeito divertido algunhas das características máis sinaladas do son. Ademais, hacia o minuto 6:18, contrúen un teléfono moi similar ao que nós mesmos fixemos e explica de xeito moi claro o seu funcionamento.

1º Control da 2ª Avaliación: temas 11 e 12 (as rochas e os movementos)

1º control da 2ª avaliación t11 12_2_eso from mariavarey

Boletín de repaso dos temas 13 e 14

Vídeo sobre o son, o oído, a vista e as cores

Aínda que aparecen na presentación da entrada anterior, por si tendes algún problema para seguir os enlaces, aquí vos deixo os vídeos cos que estivestes a traballar na aula de informática:

1. O son. Qué é o son? Cáles son as características que o definen? Qué sons somos quen de escoitar? Cómo funciona o noso oído? Cales son as súas partes? Todas estas preguntas reciben resposta no seguinte vídeo:
2. O ollo e o sentido da vista. Queres saber como funciona o noso sentido da vista e cáles son as partes que constitúen os nosos ollos? Pois non tes máis que ver o seguinte vídeo:
3. Cómo vemos as cores? O mundo que nos rodea está cheo de cores diferentes, pero por qué vemos a herba verde e o ceo azul? Sempre respondemos sen dubidar: porque a herba absorbe tódalas frecuencias salvo a correspondente a cor verde. Aínda que é certo, isto non nos serve para explicar por qué se mesturamos dúas cores vemos outra diferente, polo que realmente o proceso é algo máis complexo. Pero non vos preocupedes, neste vídeo enténdese perfectamente!

Presentación do tema 14: A luz e o son

Chic@s,

Aquí vos poño a presentación coa que estivemos a traballar na clase o tema da luz e do son que estou segura de que, xunto co libro, vos servirá de gran axuda de cara a preparación do exame.

Vídeos sobre calor e temperatura

Aquí vos deixo os vídeos cos que estivemos a traballar na clase sobre calor e temperatura.

1. O Mundo de Beakman: por qué as cousas quentes arrefrían e as fríos aquecen? Con este vídeo poderás achar, de forma moi divertida, a resposta a esta pregunta. Fíxate na diferencia que hai entre un líquido frío e outro quente a nivel molecular e como se acada o equilibrio térmico.(Non fai falla que o vexas completo, soamente ata o min 7:18) 
2. Calor vs temperatura. Neste vídeo explícase claramente cal é a diferencia entre estes dous conceptos que a miúdo (e de forma errónea!!) empregamos indistintamente.Na clase soamente vos puxen a partir do min. 3:29, pero o podedes ver completo, pois na parte inicial tamén explica dun xeito moi visual o proceso de equilibrio térmico.
3. Calor e traballo mecánico: o experimento de Joule. Joule estaba a estudar os motores e decatouse de que estes, ao facer un traballo mecánico, quentábanse, polo que decidiu facer un experimento para comprobar a relación entre o traballo mecánico e a transferencia de calor. Aparece explicado no vídeo a partir do min. 5:34, pero seguro que o entendedes mellor se o vedes completo. 

A montaña rusa e a conservación da enerxía

Rapaces,

Aquí vos deixo un pdf onde se amosa unha  animación sobre unha montaña rusa na que podedes comprobar como en todo momento a enerxía mecánica consérvase. Qué é o que acontece? Moi sinxelo: a enerxía potencial transfórmase en cinética e viceversa! Xa sabedes que a medida que descende o vagón perde altura (é dicir, perde enerxía potencial, Ep) pero gaña velocidade (aumenta a súa enerxía cinética(Ec). E, ó contrario, ao subir, gaña altura e perde velocidade (gaña Ep e perde Ec). Ademais, na última páxina aparece un exercicio moi sinxelo para aclararche algúns conceptos.

Equilibrio térmico

Se despois das explicacións de clase aínda tes algunha dúbida sobre o equilibrio térmico, quizais a túa mente aclararase se entras na seguinte web:

PINCHA AQUÍ

Boletín de repaso do tema 12: "Un mundo en movemento"

Recursos interactivos sobre o movemento

Non vos acabades de aclarar coas gráficas de espazo-tempo? Aínda non entendedes ben como convertir os Newtons en kilopondios e viceversa? Necesitades máis problemas sobre cálculos de velocidade, tempo e espacio percorrido?...Non vos preocupedes! Aquí vos deixo un pdf cunha recopilación de direccións web que vos servirán de moita axuda.

Recursos interactivos movimiento from mariavarey

Experimentos sobre a aceleración

No laboratorio estivemos a facer diferentes experimentos para tratar de determina-lo valor da aceleración da gravidade e, ademais, tratamos de demostrar o principio de Arquímedes. Aquí vos deixo os guións de ditos experimentos, para que poidades consultalos sempre que queirades.

Vídeo das rochas magmáticas

Aquí vos deixo o vídeo que vimos na clase cando explicamos as rochas magmáticas para que o poidades ver tantas veces como queirades.

Boletín repaso do tema 11: as rochas e a súa orixe